चालो चालो बालाजी रे धाम रे,
म्हारा बालाजी करेला बेडा पार रे।।
ओतो चूरू में कहीजे मोटो धाम रे,
ज्यारो सालासर कहीजे देखो नाम रे,
जठै मोहनदास ने दर्शन दिया आप रे,
ज्यारो बालाजी करेला बेडा पार रे।।
ओतो बीलाङा में बणीयो मोटो धाम रे,
ज्यारो बावरला कहीजे देखो नाम रे,
जठै नीवण करे नर नार रे,
ज्यारो बालाजी करेला बेडा पार रे।।
ओतो जोधपुर में बणीयो मोटो धाम रे,
ज्यारो पाल बालाजी कहीये देखो नाम रे,
जठै आशीर्वाद मिले दिन रात रे,
ज्यारो बालाजी करेला बेडा पार रे।।
ओतो साचोर में कहीजे मोटो धाम रे,
ज्यारो गोलासन कहीजे देखो नाम रे,
जठै भग्तो री जोड़े सू लागै जात रे,
ज्यारो बालाजी करेला बेडा पार रे।।
ओतो ओसिया ने बणीयो मोटो धाम रे,
ज्यारो डाबडी कहीजे देखो नाम रे,
जठै दूनीया री पुरावै बाबो आस रे,
ज्यारो बालाजी करेला बेडा पार रे।।
गाव पल्ली वालो गावे जसुदास रे,
ज्यारो जोधपुर मे कहीजे है निवास रे,
ग्रुप वैरागी म्युजिकल देवे साथ रे
ज्यारो बालाजी करेला बेडा पार रे।।
चालो चालो बालाजी रे धाम रे,
म्हारा बालाजी करेला बेडा पार रे।।
गायक – जसुदास वैष्णव पल्ली।